要遊得泰輕鬆，當然就是不用趕景點，不用坐很久的車，想做甚麼就做，甚至甚麼都不做留在酒店。
這四天三夜住在Okura Prestige大倉酒店，我們的行程都在半小時生活圈內能到逹的。
而鄰近的Chit Lom站和Siam站有齊大大小小的商場，商店，娛樂場所和餐廳，
四天遊曼谷基本上就在酒店+這兩個站就能輕輕鬆鬆享受曼谷繁華鬧市的一面。
我們的行程完全適合懶人參考，名副其實是懶人包。
酒店附近：
酒店到BTS Phloen Chit站 – 5 分鐘
酒店樓下就有七十一和Boots – 5分鐘
酒店到Central Embassy SuperRich唱錢 – 10分鐘
按摩：
酒店附近就有有高級Spa – Rarinjinda Spa和Bhawa Spa – 8 分鐘
平靚正按摩有 – RuamRudee Health Massage – 10 分鐘 (在Athenee Hotel後面)
商場：
酒店到Central Embassy – 8 分鐘
酒店到Siam Paragon (Chit Lom站) – 15 分鐘
酒店到Siam Centre (Siam站) – 20 分鐘
酒店到Terminal 21 (Asok站) – 15 分鐘
酒店到The EmQuartier (Phrong Phom站) – 20 分鐘
食飯：
大倉酒店本身就有一星餐廳Elements。
大倉酒店所在的wireless road，一條街總共有三家一星和幾家推介餐廳。
要找最新米芝蓮所在地，可參考米芝蓮地圖。
附近Central Embassy商場內的飯店有Nara, 建興，Greyhound, 和有超過50種地道美食的Food Court。
晚上難得能按排活動，所以大家就去了睇戲Starwars，碌齡和睇波。
今次行程真係一次過滿足哂三個願望，滿足哂幾年的願望。
講返大倉酒店附近，行到BTS Phloen Chit站有天橋連接，下雨也不用撐傘。
連接的商場就有7-11和Boots，最適合夜晚肚餓買黟食同last minute shopping，十分方便。
怕肚餓，下面商場的7-11有齊泰國地道美食，好似泰國紫菜，果乾，果仁等等。
如果住大倉酒店對面的Grande Central Service Apartment有廚房，就可以煮個冬陰公面做宵夜食。
呢度啲果汁新奇過新奇士，幾蚊就有一大支。
還有雪糕，椰子，粟米，甚至榴蓮味雪糕都有。
大倉酒店沒有唱錢服務，最抵可以到Central Embassy的Super Rich(上一層就在Zara旁)唱錢。
十幾年前都係到水門Super Rich唱錢，宜家仲有埋分店，勁﹗
Central Embassy有建興，建興是我來曼谷必吃的餐廳，有不少分店，
今次吃水準還是ok，感覺沒有驚喜，不過這家分店門外還是超多人排隊，最好預約。
還有Greyhound, Nara, 和十分地道和多選擇的Food Court，比其他幾個大型商場的Food Court好吃。
要行街但係又唔想行平時香港有的商店？
可以試試來Siam站的Siam Discovery，最高的一層有local泰國design品牌。
這裡可以搵到你想要的獨特手信。
最愛泰國的Rice Product，感覺簡單但又十分健康。
晚上，我地幾個老人家唔再去蒲，就去左打保齡球。Siam Paragon頂樓除左戲院，還有保齡球場Blu O。
玩到做埋金卡會員，仲有credit淨低，下次黎曼谷可以再玩過。
食完飯九點來到，不算很多人。每人打了兩局，水準還保持得到。
唔識打保齡？除在可以加兩邊欄防跌落坑，還可以用這個，哈哈。
打完波11點到，如果後生個時就應該會直落睇埋戲。
今時不同往日，都係返去抖抖，第二日先再睇戲。
普通2D 45蚊。泰國睇戲平過香港，而且戲院都有很多選擇。
睇好D就有IMAX，或者4D。
Central World有4D，Siam Paragon，Central Embassy同 EmQuartier就有IMAX睇
有些影院有特別位，你想幾豪都得。
Central Embassy最貴一張雙人梳化飛可以成七百幾港紙。
成個Central World商場佈置了很多Starwars場景，也有不少Starwars野買。
呢個鬚刨好正。Master your shave.
好啦，要入場睇戲。呢個炮谷筒，真係好鬼馬。
另一日去左係Phrom Phong食魚蛋粉，順道逛一逛新開的EmQuartier。
泰國每個商場都佈置得很有聖誕氣氛。
EmQuarter有不少餐廳，但以日式為主，可能這邊比較近曼谷小日本區。
好幾個商頂層都有特式的Thai Designers商店。
之前大熱的Flamingo水泡，宜家有好多款式。
在一角，有家英式理髮店。
突然間見到大批少男和龍友，迫住間舖頭，原來係BNK48，我諗係AKB48泰國版。
呢間自制拖鞋店幾有趣。
無帶兩個女兒來旅行，行街還是會留意她們的用品。
除了買了同學仔的聖誕禮物，還買了在泰國賣得較平的Melissa膠鞋，在GAP又看到香港一出就無哂的廸士尼衫。
四日三夜很快就完了，成功充電，返去同兩個女聖誕可以狂歡一下。
————————————————————————————————
2018 曼谷四日三夜泰輕鬆無小朋友之旅
[夫妻遊] 久違了的泰輕鬆曼谷遊 – 四天三夜住Okura Prestige大倉酒店分享
[夫妻遊] 曼谷Okura Prestige大倉酒店週邊懶人行程 – 行街睇戲食飯碌齡攻略
[夫妻遊] 淺賞曼谷米芝蓮一星餐廳Sra Bua by Kiin Kiin午餐
遊上癮 x 霖霖嵐嵐 